Ennþá traustari en áður

Sígilt útlit, nýjasta tækni, ákjósanlegt rými fyrir farþega og farangur, aksturseiginleikar í sérflokki og síðast en ekki síst mikið verðmæti gegn vægu gjaldi. Þessa kosti hafa meira en tvær milljónir manna um allan heim nýtt sér, en það staðfestir að Octavia er ein vinsælasta gerðin í Škoda fjölskyldunni.

Hið nýja útlit með sígildum glæsileika ber öll merki þess sem einkennt hefur Škoda Octavia gerðirnar fram til þessa, en er nú í alla staði öflugri og ber með sér aukinn þokka. Yfirbragð bílsins er nú enn fágaðra, útlínur glæsilegri og fram- og afturendi hafa verið endurhannaðir.
Við störfum samkvæmt þeirri meginreglu að aðeins það besta er nógu gott fyrir viðskiptavini okkar.  Þess vegna er ánægja þín lykillinn að okkar velgengni.
Fullkomið samræmi í útlitshönnun og tæknibúnaði

Með hagræðingu og nýju fyrirkomulagi innréttingar er lögð aukin áhersla á öryggi og þægindi. Í öllum gerðum Octavia er nú í boði ný gerð af þriggja eða fjögurra pílára stýrishjóli.

Mælaborðið er skýrt dæmi um nýstárlega og glæsilega hönnun, hagrænt fyrirkomulag og fallega áferð. Hvít díóðulýsing fer vel við svart mælaborðið en fölgræn baklýsing, sem ekki truflar augað við aksturinn, varpar þægilegri birtu á hina rafrænu mælasamstæðu. Ný efni í nýjum litum á sætum og hurðaspjöldum eru í samræmi við ríkjandi tískustrauma og það sama má segja um skrautleggingar á mælaorði. 

Framfarir í tæknibúnaði
Tæknibúnaðurinn í nýrri Octavia  er meðal þess besta sem þekkist í nútíma bifreiðum. Í Octavia eru nú fáanlegar fimm gerðir bensínhreyfla og þrjár gerðir dísilhreyfla ásamt úrvali handskiptra og sjálfskiptra gírkassa. Þar á meðal er hin byltingarkennda, 7 gíra sjálfskipting (DGS), sem er sérstaklega hönnuð fyrir 1.4 lítra 122 ha. og 1.8 lítra, 160 ha. bensínhreyflana með strokkinnsprautun.

Hreyflarnir í nýrri Octavia ná yfir mikið svið slagrýmis og afkasta, til þess að fullnægja kröfum viðskiptavina með mismunandi þarfir. Bensínhreyflarnir eru allt frá 1.4 lítra, 80 ha. með fjölinnsprautun og til hins öflugasta, sem er 2.0 lítra, 200 ha. með strokkinnsprautun. Í boði eru einnig dísilhreyflar, meðal annars 105 og 140 hö. með forþjöppu og hins vegar 2.0 lítra 170 hö. með forþjöppu og samrásarinnsprautun.