Škoda Octavia hefur frá upphafi verið þekktur fyrir einstaklega góða aksturseiginleika sem er fyrst og fremst að þakka undirvagni og fjöðrunarbúnaði bílsins. Framásinn er byggður á McPherson fjöðrunarkerfi með klofaspyrnum að neðan en þessi búnaður hefur nú verið endurbættur í samræmi við þróun í tækni. Niðurstaðan er hárnákvæm svörun í stýri sem aftur tryggir stöðugleika í beygjum og í akstri á malarvegum.

En þessi fágæta hegðun Škoda Octavia í akstri á einnig sínar rætur í hönnun fjöðrunarbúnaðar afturássins, sem nú er búinn fjölliðafjöðrun, sem byggir á nýjustu tækni. Með þessu móti fær bíllinn öruggt samband við veginn og svarar öllum viðbrögðum ökumannsins samstundis. Í stuttu máli sameinar undirvagninn í Octavia bæði hæfilega mjúka fjöðrun og nákvæma rásfestu.