Vélar
Í boði eru tvær gerðir bensínvéla og þrjár gerðir dísilvéla. Þetta eru allt 4ra strokka línuvélar, þverstæðar frammí með forþjöppu og háþrýstri eldsneytisinnsprautun. Vélarnar uppfylla allar staðalinn EU 5 um skaðleg efni í útblæstri bifreiða og skara fram úr vegna lítillar eldsneytiseyðslu.

4x4
Aldrifsbúnaðurinn í Yeti er byggður á endurbættri tæknilausn þar sem fram- og afturdrif eru sítengd með svokallaðri Haldex kúplingu. Á þennan hátt tekst að tvöfalda grip og spyrnu veghjólanna, en halda þó eldsneytiseyðslu í lágmarki. Afturásinn er nú með breytta fjölliðafjöðrun og aukna sporvídd, sem gerir bílinn stöðugri á ósléttum vegi og auðveldari í stjórnun.